PFL yenə Junioru mükafatlandırdı

“Ayın qolu” layihəsi çərçivəsində mart ayının qalibi olan Martins Juniora “Səbail” – “Kəpəz” görüşündən əvvəl mükafatlar təqdim olunub.

Presssport.az xəbər verir ki, braziliyal sol cinah yarımmüdafiəçisinə mükafatları "ASCO Arena"da Peşəkar Futbol Liqasının Texniki-idman direktoru Elgiz Abbasov təqdim edib.

Qeyd edək ki, Martins Juniorun Premyer Liqanın 26-cı turunda "Neftçi"nin qapısına vurduğu qol ən yaxşı seçilib. O, cari çempionatda 2-ci dəfə bu mükafata layiq görülüb. Junior cəzalı olduğuna görə bu matçda iştirak etmirdi.