Dadaşovun baş məşqçisi özünü günahkar sayır: "Komandanı bu vəziyyətə mən salmışam"

Millimizin futbolçusu Renat Dadaşovun formasını geyindiyi "Hatayspor" Türkiyə Super Liqasında 9 oyundur qələbə qazana bilmir. Presssport.az xəbər verir ki, komanda bu gün "Kasımpaşa"ya səfərdə 0:3 hesabı ilə məğlub olub. 

Baş məşqçi Volkan Dəmirəl istefa vermək fikrinin olmadığını söyləyərək, futbolçularının hamısından məmnunluğunu ifadə edib: "Amma onları qane etməyən şərtlər ola bilər. Bu transfer dönəmini yaxşı keçirməliyik. Hazırda çətin durumdayıq. Bir daha təkrar edirəm, mövsümün sonuna kimi burdayam. Komandanı çətin vəziyyətdə qoyub gedə bilmərəm. Rəhbərlik hansı qərarı versə, hörmətlə yanaşacam. Komandanı bu vəziyyətə mən salmışam. Çıxarmaq üçün də əlimdən gələni edəcəm".