Orxan Məmmədov "Neftçi"ylə oyunöncəsi komandayla görüşdü

Azərbaycan Premyer Liqasının XXXI turunda “Neftçi”ni qəbul edəcək “Zirə”nin oyunöncəsi son məşqini klub rəhbərliyi də izləyib.

Presssport.az paytaxt təmsilçisinin mətbuat xidmətinə istinadən xəbər verir ki, klubun idarə heyətinin sədri Orxan Məmmədov, prezidenti Taleh Nəsibov və digər rəhbər şəxslər məşqdən əvvəl komanda üzvləri ilə görüşüb, daha sonra isə hazırlığı izləyiblər. 

Xatırladaq ki, bu gün keçiriləcək "Zirə" - "Neftçi" oyunu 2-ci yer uğrunda mübarizə baxımından hər iki komanda üçün vacibdir. Hazırda 4-cü pillədə qərarlaşan "Zirə" qalib gəlsə, həmin pilləyə yüksələcək. 3-cü yerdə olan “Neftçi”yə isə 2-ci pilləni ələ keçirmək üçün bərabərlik də yetərlidi.