Azərbaycan Basketbol Liqasında müntəzəm mövsümün son turunun proqramı bəlli olub

Azərbaycan Basketbol Liqasında XVIII turun proqramı bəlli olub.

Presssport.az xəbər verir ki, müntəzəm mövsümün son oyunları aprelin 24-28-i aralığında keçiriləcək.

Aprelin 24-də saat 19:00-da mərkəzi qarşılaşmada "Sabah" və “Xəzri” görüşəcək. Qalib komanda mövsümü 1-ci pillədə başa vuracaq.

Müntəzəm mövsüm aprelin 28-də "NTD-İndiqo" - "Şəki" matçı ilə başa çatacaq.

24 aprel
19:00. "Sabah" - "Xəzri"
“Sərhədçi” İdman Mərkəzi

25 aprel
19:30. "Xırdalan" - "Cəlilabad"
“Sərhədçi” İdman Mərkəzi

26 aprel
19:30. "Sərhədçi" - "Neftçi"
“Sərhədçi” İdman Mərkəzi

27 aprel
14:00. "Gəncə" - "Sumqayıt"
Gəncə Olimpiya Kompleksi

28 aprel
14:00. "NTD-İndiqo" - "Sumqayıt"
Xaçmaz Olimpiya Kompleksi

Xatırladaq ki, "Sabah" hazırda 31 xalla liderdi. 2-ci və 3-cü pillələrdə olan "NTD-İndiqo" ilə "Xəzri"nin hərəyə 30 xalı var. "Xırdalan" 28 xalla 4-cü, eyni xala malik “Neftçi” 5-cidi. Növbəti pillələrdə "Sərhədçi" (24 xal), "Sumqayıt" (23), "Cəlilabad" (22), "Gəncə" (21) və "Şəki" (18) qərarlaşıb.