"İnter" Milan derbisində çempionluğunu rəsmiləşdirdi

İtaliya A Seriyasında XXXIII tura yekun vurulub.

Presssport.az xəbər verir ki, turun son matçında Milan derbisi baş tutub. Şəhərin eyniadlı komandası əzəli rəqibi “İnter”i qəbul edib.

3 qolun vurulduğu matçda nominal qonaqlar əzmkar qələbə qazanıb - 2:1.

Bu qələbə sayəsində xallarının sayını 86-ya çatdıran “İnter” çempionluğunu rəsmiləşdirib. Belə ki, 2 pillədəki “Milan” 69 xala malik olduğundan qarşıdakı 5 tur ərzində əzəli rəqibinə çatması artıq mümkünsüzdü.

Bu, “neradzurra”nın tarixində 20-ci Skudettodu. İlk çempionluğunu 1909/10 mövsümündə qazanan “İnter” sonuncu dəfə 3 il əvvəl İtaliyanın ən güclüsü olmuşdu. Keçən mövsüm İtaliya çempionu “Napoli” olub.