"Qəbələ"ni mübarizədən kənarlaşdıran komanda UEFA Gənclər Liqasının qalibi oldu

”Olimpiakos” UEFA Gənclər Liqasının qalibi olub.

Presssport.az xəbər verir ki, Pirey təmsilçisi turnirin final görüşündə İtaliya “Milan”ı ilə görüşüb.

İsveçrənin Nyon şəhərindəki “Kolovray” stadionunda baş tutan matçda yunanlar 3:0 hesabı ilə qələbə qazanıb. 

Xatırladaq ki, “Olimpiakos” çempionluğa gedən yolda Azərbaycan təmsilçisi ilə görüşüb. Bu, U-19 Liqasının son qalibi “Qəbələ” olub. Pireylilər hər 2 görüşdə böyükhesablı qələbə qazanıb - səfərdə 3:0, evdə 4:0.