Tsxadadze belə komanda qurduğu üçün Rəşad Sadıqovu təbrik edib: "Bütün suallara “Qəbələ”nin hansı liqada olacağı bilindikdən sonra aydınlıq gələcək"

"Keçən matçda olduğu kimi, yenə hər şey oyuna görə idi. Rəqib daha yaxşı oynadı və xarakter göstərdi. Onlar yüksəlişdədi və yaxşı formadadı. “Zirə”ni və belə komanda qurduğu üçün Rəşad Sadıqovu təbrik edirəm". belə komanda qurduğu üçün Rəşad Sadıqovu təbrik edirəm". 

Presssport.az xəbər verir ki, bu sözləri "Qəbələ"nin baş məşqçisi Kaxaber Tsxadadze Azərbaycan kubokunun yarımfinalında "Zirə"yə 0:2 hesabı ilə uduzaraq mübarizəni dayandırdıqları cavab oyunundan sonra deyib.

O, rəqibi tərifləyərək, öz durumları haqda da söz açıb: "Təəssüf ki, öz vəziyyətimiz çox üzücüdü. Komanda sonuncu pillədədi, kubokda mübarizəni dayandırdı. Bütün suallara mövsüm bitdikdən, “Qəbələ”nin hansı liqada olacağı bilindikdən sonra aydınlıq gələcək. Hələ matçlarımız qalıb, futbolçular müqavilənin sonunadək oynamalıdı. Hesab edirəm ki, hər kəs işini maksimum görməlidi”.