Xavi qərarını dəyişməsi səbəbini dedi: "Üç dəqiqə söhbətləşdik və..."

"Barselona"nın baş məşqçisi xavi cari mövsümün sonunda postunu tərk etmək qərarını dəyişməsinin səbəbini açıqlayıb.

Presssport.az xəbər verir ki, 44 yaşlı ispaniyalı mütəxəssis bu klubun böyük fanatı olduğunu söyləyib: “Barselona”nın üzvüyəm və əsas olan bunu dərk etməkdi. Dünən prezidentlə görüşdük. Onun mənə inandığını hiss edirəm. Üç dəqiqə söhbətləşdik və bir-birimizi anladıq. 

Düşünürəm ki, bu mövsüm mükafat qazana bilməsək belə, layihəni tamamlamamışıq".

Xavinin szölərinə görə, azarkeşlər də onu qalmaq barədə düşünməyə vadar edib: “Küçədə gedərkən insanların məni dəstəklədiyini görmək qərarımın dəyişməsinə yol açan məqamlardan biridi. Təbii ki, qarşılıqlı inam olduqca vacib məsələdi”.

Bşa məşqçinin fikrincə, klubun idman direktoru Deku ilə bir-birlərini yaxşı anlayırlar: "Futbolçular da öz davranışları ilə işimizi hələ bitirmədiyimizi isbatlayır. Məncə, hədəflərimizə çatmağa yaxınıq".