"Qarabağ" Azərbaycan çempoionatındakı rekordun üç addımlığında dayandı

“Qarabağ”ın qollu oyunlar seriyası qırılıb. 

Presssport.az xəbər verir ki, Premyer Liqasının ardıcıl 30 matçında qol vuran Ağdam klubu XXXII turun “Sumqayıt”la səfər görüşündə rəqib qapısına yol tapmayıb – 0:1.

Qurban Qurbanovun yetirmələri cari mövsüm bunadək yalınız ilk turun “Zirə” ilə görüşünü qolsuz tərk etmişdilər. Həmin matç da eyni hesabla bitib.

Ardıcıl 30 qarşılaşmada qol vurmaq Azərbaycan çempionatları tarixində 2-ci göstəricidir. “Qarabağ” 1993-95-ci illərdə ardıcıl 33 oyunda qol sevinci yaşayan “Turan”ın rekordunun üç addımlığında dayanıb.