Premyer Liqamızda mövsümün yeni rekordu qeydə alındı

Azərbaycan Premyer Liqasında mövsümün tamaşaçı rekordu qeydə alınıb. 

Presssport.az xəbər verir ki, bu, XXXII turun “Sumqayıt” – “Qarabağ” matçında baş verib.

Belə ki, Mehdi Hüseynzadə adına Sumqayıt şəhər stadionundakı görüşü 9300 tamaşaçı izləyib. 

Bu, çempionatın arxada qalan hissəsi üçün ən yüksək göstəricidi. Buna qədər rekord “Sumqayıt” – “Neftçi” matçına təsadüf etmişdi. XXI turun qarşılaşmasında 8100 seyrçi qeydə alınıb.

Xatırladaq ki, “Sumqayıt” ev matçında 1:0 hesablı qələbə qazanıb.