AFFA 2 kluba texniki məğlubiyyət verdi

AFFA İntizam Komitəsi 2 kluba texniki məğlubiyyət verib.

Presssport.az xəbər verir ki, Həvəskar Liqanın I turu çərçivəsində keçirilməli olan "Lokomotiv" (Bakı) - "Balaxanı" matçında meydan sahiblərinə həkim personalı təmin etmədiyinə və bu səbəbdən oyun baş tutmadığına görə texniki məğlubiyyət (0:3) verilib.

"Dinamo" (Balakən) klubu da eyni cəza ilə üzləşib. Belə ki, AFFA U-17 Qızlar Liqasının oyunu çərçivəsində "Neftçi" ilə qarşılaşan bölgə təmsilçisi qeydiyyatda olan oyunçunun yerinə başqa futbolçu meydana buraxdığına görə texniki məğlubiyyət alıb.