U-17 və U-19 yığmalarımızın Avropa çempionatının birinci mərhələsində rəqibləri müəyyənləşib

Bu gün 17 və 19 yaşadək futbolçulardan ibarət milli komandalar arasında Avropa çempionatının 2024/25 mövsümü üzrə birinci mərhələsinin püşkü atılıb.

Presssport.az AFFA-nın rəsmi saytına istinadən xəbər verir ki, İsveçrənin Nyon şəhərində keçirilən püşkatma mərasimində Azərbaycan millilərinin də rəqibləri müəyyənləşib.

U-17 Macarıstan, Yunanıstan və Rumıniya ilə 6-cı qrupda mübarizə aparacaq. Yarışın final mərhələsi 2025-ci ildə 8 komandanın iştirakı ilə Albaniyada keçiriləcək.

U-19 isə İrlandiya, İslandiya və Moldova ilə 7-ci qrupda mübarizə aparacaq. Final mərhələsi 2025-ci ildə 8 komandanın iştirakı ilə Rumıniyada keçiriləcək.