"Sərhədçi" ümumi hesabı bərabərləşdirdi, həlledici matça ehtiyac oldu

"Sərhədçi" Azərbaycan Basketbol Liqasının pley-off mərhələsində "Xəzri"yə qalib gəlməklə ümumi hesabı bərabərləşdirib.

Presssport.az xəbər verir ki, "Sərhədçi" rəqibini 71:64 hesabı ilə məğlub edib.

Tərəflər arasında keçirilən ilk dueldən "Xəzri" qələbə ilə ayrılıb - 98:64. 

Üçüncü oyun mayın 5-də baş tutacaq. Yarışın qaydalarına uyğun olaraq, ardıcıl 2 qələbə qazanan komanda növbəti mərhələyə vəsiqə qazanır.

Xatırladaq ki, "Xırdalan" və “Neftçi” arasında ikinci dueldə 76:73 hesabı ilə qələbə qazanan birincilər yarımfinala adlayıb.