Region Liqasında yarımfinal matçlarının təqvimi bəlli oldu - hamı Bakıya gəlir

AFFA-nın keçirdiyi Region Liqasında yarımfinal mərhələsinin oyun cədvəli müəyyənləşib.

Presssport.az xəbər verir ki, finala vəsiqə uğrunda matçlar 1 görüşdən ibarət olacaq və paytaxtda təşkil ediləcək.

Artıq stadionlar da məlumdu. Belə ki, “ASK Arena”yla “ASCO Arena” yenidən yarımfinal qarşılaşmalarını qəbul edəcək. Özü də hər iki görüş eyni gündə, eyni saatda olacaq. Təşkilatçılar bu həftəsonu yarış iştirakçılarına istirahət verib və finalçılar gələn bazar müəyyənləşəcək.

Məlumdu ki, yarışın həlledici görüşü mayın 24-də saat 16:00-da Şamaxı şəhər stadionunda keçiriləcək. Üçüncü yer uğrunda matçın bundan 3 gün əvvəl paytaxtda keçirilməsi nəzərdə tutulub. Bu, yarımfinal oyunları baş tutacaq stadionlardan biri olacaq və əlavə məlumat veriləcək. 

Onu da bildirək ki, yarımfinal iştirakçılarından heç biri bu turnirin qalibi olmayıb və yalnız “Göyəzən” debütant deyil. Qazax təmsilçisi vaxtilə SSRİ çempionatında, müstəqillik dönəmində Premyer Liqada, I Divizionda iştirak edib. 

Xatırladaq ki, Region Liqasının qalibi ölkəmizi bu il UEFA Region Liqasında təmsil etmək hüququ qazanacaq. 

                                       Region Liqasının yarımfinal mərhələsinin təqvimi