Bu gün ÇL-də 2-ci finalçı müəyyənləşəcək

Bu gün Çempionlar Liqasında (ÇL) 2-ci finalçı müəyyənləşəcək.

Presssport.az xəbər verir ki, yarımfinal mərhələsinin digər cavab oyununda “Real” "Bavariya"nı qəbul edəcək.

Madriddə Bakı vaxtı ilə saat 23:00-da start götürəcək matçın baş hakimi polşalı Şimon Marçinyak olacaq.

Münhendəki ilk matçda heç-heçə qeydə alınıb - 2:2. 

Xatırladaq ki, qalib finalda Dortmund “Borussiya”sına rəqib olacaq. Bu həlledici matç iyunun 1-də İngiltərənin paytaxtı Londondakı “Uembli” stadionunda keçiriləcək.