Gəncədə kütləvi dava - "Qəbələ"nin futbolçuları döyüldü

Futbol üzrə Azərbaycan U-16 Liqasının hesabat turunda keçirilən “Kəpəz” - “Qəbələ” matçında xoşagəlməz hadisə baş verib.

Presssport.az xəbər verir ki, Gəncədəki qarşılaşmada insidentə səbəb oyun zamanı qonaq komandanın futbolçularının təhqirə məruz qalması olub. 

Görüş başa çatandan sonra hər iki komandanın oyunçuları arasında gərginlik yaşanıb. Bu zaman meydana daxil olan üç azarkeş futbolçulara və məşqçilərə hücum çəkib. Nəticədə “Qəbələ”nin 2 futbolçusu ciddi xəsarət alıb.

Onu da bildirək ki, görüş Gəncə təmsilçisinin 2:0 hesablı qələbəsi ilə yekunlaşıb.