Kurtinaytis finala çıxmalarını şərh etdi: "Oyuna yenidən qayıtmağı bacardıq"

"Sabah”ın basketbol komandasının baş məşqçisi Rimas Kurtinaytis “Xırdalan” BK üzərində (81:62) qələbəni şərh edib.

Presssport.az xəbər verir ki, litvalı mütəxəssis iki qələbədən sonra finala yüksəlmələri haqda bunları deyib:

“İlk növbədə onu deyim ki, hesab oyuna görə deyil. İlk yarımfinal oyununda asan qələbə qazansaq da, bu dəfə çətin qarşılaşma alındı. Oyuna yaxşı, düşündüyümüz kimi başladıq. “Xırdalan” gedişatda bizi üstələməyi bacardı. Rəqib bizi yaxşı təhlil etmişdi. Lakin oyuna yenidən qayıtmağı bacardıq. Düşünürəm ki, fiziki cəhətdən daha güclü idik”.