Region Liqasında 3-cü yer uğrunda oyunun məkanı və vaxtı açıqlanıb

AFFA-nın keçirdiyi Region Liqasında 3-cü yer uğrunda oyunun keçirilmə yeri və vaxtı açıqlanıb. Assosiasiyadan Presssport.az-a verilən məlumata görə, bürünc medal uğrunda qarşılaşma “ASCO Arena”da keçiriləcək.

“Səbail”in stadionunda Qazax “Göyəzən”iylə Saatlı “Ümid”i mayın 19-da saat 16:00-da görüşəcək. Bu yerdə bildirək ki, saatlılar yarımfinal görüşünü məhz orda keçirərək 0:2 hesabıyla yenilib. 

Xatırladaq ki, “Hypers” (Bakı) və “Şimal” (Xaçmaz) arasında final matçı mayın 24-də Şamaxı şəhər stadionunda saat 16:00-da baş tutacaq.