Volkovun "Sabah"da çıxışı bitdi

AFFA İntizam Komitəsi (İK) "Sabah"ın futbolçusu Davit Volkovu 2-si şərti olmaqla 4 oyunluq cəzalandırıb.

Presssport.az xəbər verir ki, buna təcrübəli hücumçunun "Qəbələ"yə uduzduqları (0:2) Premyer Liqanın XXXIV turunun matçında birbaşa qırmızı vərəqə alaraq meydandan qovulması səbəb olub. 

Sona 2 tur qaldığını nəzərə alsaq, 29 yaşlı Volkov müqaviləsi bitməkdə olan “Sabah”da bu mövsüm daha oynaya bilməyəcək. Üstəlik, yay fasiləsində klubunu dəyişməkdə israrlıdı.

Gürcü forvarda 3 ay sınaq müddəti təyin edilib. Paytaxt təmsilçisi legionerinin hərəkətinə görə 3000 manat cərimələnib.