Atletimiz Polşada qızıl medal qazanıb

Polşanın Xujov şəhərində Dünya Atletikasının gümüş səviyyəli yarışı olan Yanuş Kusoçinskinin Memorialı keçirilib. Presssport.az xəbər verir ki, mötəbər yarışda ölkəmizi təmsil edən Anna Skidan parlaq çıxışla yadda qalıb. 

Belə ki, Skidan çəkic atma yarışında 73.25 metr göstərici ilə qızıl medala sahib çıxıb. Onunda bildirək ki, idmançımızın çempionluq yolunda geridə qoyduğu rəqibləri sırasında üçqat Olimpiya çempionu, dünya rekordunun sahibi, əfsanəvi atlet Anita Vlodarçik də olub.