Şahruddin "Beşiktaş"ın qol arzusunu gözündə qoydu, matçın ən yaxşısı seçildi

Türkiyə Super Liqasında 22-ci turun matçları keçirilir. Presssport.az xəbər verir ki, Azərbaycan millisinin qapıçısı Şahruddin Məhəmmədəliyevin formasını geyindiyi "Adana Dəmirspor" "Beşiktaş"ın qonağı olub.

Matç 0:0 hesabı ilə başa çatıb. Məhəmmədəliyev 90 dəqiqə meydanda olub. O, matçın 48-ci dəqiqəsindən azlıqda qalan komandasını bir neçə epizodda qoldan xilas edib. Şahruddin bu görüşdə ümumilikdə 6 "seyv" etməklə matçın ən yaxşı oyunçusu olub. 

Adana klubu 22 turdan sonra 31 xalla 6-cı pillədə qərarlaşıb.