Yeni transferi "Neftçi"də əsas məqsədlərini açıqladı

"Neftçi"nin yeni transferi Brayan Moreno klubun televiziyasına müsahibə verib. Presssport.az xəbər verir ki, 23 yaşlımkolumbiyalı hücumçu ilk olaraq "ağ-qaralar"a keçidi haqda fikirlərini bölüşüb: "Təəssüratlarım budur ki, tanımadığım komanda yoldaşlarım məni xoş qarşıladı. Xüsusilə Latın Amerikasından olanlar futbolçular komanda haqda yaxşı sözlər dedilər. Baş məşqçi ilə də görüşümüz oldu. Ümid edirəm ki, qısa zamanda komandaya uyğunlaşacam. "Neftçi"dən təklif alanda həm klub, həm də Bakı haqda məlumat toplamağa başladım. Şəkillərdən gördüyüm kimi, Bakı böyük və gözəl şəhərdir. İlk fürsətdə şəhərlə tanış olacam".

Brayan komandadakı hədəflərindən söz açıb, azarkeşlərə səslənib:

"Neftçi"də əsas məqsədlərimdən biri titullar qazanmaq və çempionatın bombardiri olmaqdı.

Azarkeşlərə demək istəyirəm ki, hər zaman stadiona gəlib, bizə dəstək olsunlar. Onlar 12-ci oyunçudur, bizə hər zaman dəstək verməyə davam etsinlər. İrəli, "Neftçi"!"

Xatırladaq ki, "Neftçi" Moreno ilə 1,5 illik müqavilə imzalayıb