AFFA akkreditasiyası olmayan şəxslər “Zona 1”ə daxil olduğuna görə bu klubu cərimələdi

AFFA İntizam Komitəsi Premyer Liqanın 3 təmsilçisini cərimələyib.

Presssport.az xəbər verir ki, "Kəpəz" XXXV turda "Zirə"yə 0:1 hesabı ilə uduzduğu oyunda azarkeşlərin hakimlərin və rəqibin ünvanına kütləvi şəkildə təhqiramiz ifadələr səsləndirməsinə görə 1000 manat xərcə düşüb.

“Qarabağ” – “Turan Tovuz” matçından (4:3) sonra akkreditasiyası olmayan şəxslər “Zona 1”ə daxil olduğuna görə Ağdam klubu 500 manat cərimə ödəyəcək.

"Araz-Naxçıvan" isə "Qəbələ"yə uduzduğu (0:2) səfər qarşılaşmasında 5 futbolçusu sarı vərəqə aldığına görə 700 manat cərimələnib.