Mövsümün mütləq rekotdu finişdə qeydə alındı

Misli Premyer Liqasında XXXVI turun oyunlarını 24300 tamaşaçı izləyib.

Presssport.az xəbər verir ki, bu, mövsümün mütləq rekordudu.

Bunadək ən yüksək göstərici XXXII tura təsadüf edib – 13800 izləyici.

Ümumilikdə isə çempionatın 180 matçında 276 min 487 seyrçi olub. Orta hesabla hər oyunu 1536 tamaşaçı izləyib.

XXXII turun “Sumqayıt” – “Qarabağ”  və XXXVI turun “Sumqayıt” – “Qəbələ” görüşlərini rekord sayda – 9300 izləyici seyr edib. XXI turun “Sumqayıt” – “Neftçi” qarşılaşmasında bu rəqəm 8100-ə bərabər olub.

Ən çox tamaşaçı toplayan üç oyuna “Sumqayıt” ev sahibliyi etsə də, mövsümün ən çox seyrçi toplayan komandası “Turan Tovuz” olub. Bu göstəricidə “Neftçi” 3-cüdü.