Bu gün II Liqaya vəsiqə uğrunda ilk pley-offa matçı keçiriləcək

Bu gün II Liqaya vəsiqə uğrunda ilk pley-off görüşü baş tutacaq. 

Presssport.az xəbər verir ki, bu mövsüm II Liqanı sondan əvvəlki - 13-cü yerdə başa vuran "Şəfa" növbəti mövsüm də bu çempionatda iştirak etmək üçün Region Liqasının finalçısı "Hypers"lə görüşəcək.

“ASCO Arena”da saat 17:00-da başlayacaq oyun “CBC Sport”la canlı yayımlanacaq. Cavab görüşü iyunun 4-də həmin stadionda, həmin saatda keçiriləcək. 

Xatırladaq ki, Vüqar Nadirovun baş məşqçisi olduğu "Hypers" Region Liqasının finalında "Şimal"a 0:2 hesabıyla uduzaraq birbaşa vəsiqə şansını əldən verib.