AFFA "İrəvan"ı I Liqadan kənarlaşdırdı, "Cəbrayıl"ın rəqibi dəyişdi

"İrəvan” AFFA-nın Lisenziya Komissiyasının tələblərinə cavab verə bilmədiyinə görə növbəti mövsüm I Liqada iştirak üçün lisenziya əldə edə bilməyib.

Presssport.az xəbər verir ki, bunu nəzərə alan Peşəkar Futbol Liqası Azərbaycan Premyer Liqası, Azərbaycan Kuboku, Əvəzedicilər Liqası və I Liqanın 2023/2024 mövsümünün Əsasnaməsini rəhbər tutaraq "İrəvan"ı I Liqadan kənarlaşdırıb.

Nəticədə cari mövsüm I Liqada sonuncu yeri tutan “Araz Saatlı” qarşıdakı mövsümdə I Liqada çıxış etmək üçün II Liqada 2-ci olan “Cəbrayıl” ilə pley-off matçlarında qarşılaşacaq.

Onu da bildirək ki, "İrəvan" 10 gün müddətində verilən qərarla bağlı apellyasiya məhkəməsinə müraciət edə bilər.