Türkiyə millisində şok itki: AVRO-2024-ü buraxacaq

Türkiyə milli komandasınnı heyətində ciddi itki baş verib.

Presssport.az xəbər verir ki, "ay-ulduzlular"ın təcrübəli müdafiəçisi Çağlar Söyüncü sıradan çıxıb. 

İcarə əsasında "Fənərbaxça"da çıxış edən 28 yaşlı futbolçu Super Liqanın son turunun "İstanbulspor"la matçında (6:0) ayaq əzələsindən zədə alıb. Müqavilə ilə "Atletiko"ya məxsus olan təcrübəli mərkəz müdafiəçisi bununla da Avropa çempionatının final mərhələsində millisinə kömək edə bilməyəcək.

Xatırladaq ki, Türkiyə yığması AVRO-2024-də Portuqaliya, Çexiya və Gürcüstanla eyni qrupda mübarizə aparacaq.