Finalın hakimləri və rəsmi şəxsləri mükafatlandırılıb

Bu gün baş tutmuş Azərbaycan Kubokunun final görüşündən sonra keçirilən mükafatlandırma mərasimində matçın hakimləri və rəsmi şəxslərinə hədiyyələr təqdim olunub. 

Presssport.az xəbər verir ki, onlara mükafatları AFFA prezidenti Rövşən Nəcəf, AFFA-nın icraçı vitse-prezidenti Sərxan Hacıyev və PFL-in prezidenti vəzifəsini müvəqqəti icra edən Elgiz Abbasov təqdim edib. Bu yerdə bildirək ki, final qarşılaşmasını Rəvan Həmzəzadənin başçılıq etdiyi hakimlər briqadası idarə edib.

Adıçəkilən şəxslər turnirin gümüş mükafatçısı olan “Zirə”yə də medallar təqdim edib.