Qardaşı yanına gəldi, özü də müqavilə müddətini uzatdı

"Səbail" futbolçusu Yusif Nəbiyevlə müqavilənin müddətini uzadıb.

Presssport.az paytaxt təmsilçisinin mətbuat xidmətinə istinadən xəbər verir ki, 26 yaşlı sol cinah müdafiəçi ilə 1 illik anlaşma əldə olunub.

Yusif ötən ildən "dənizçilər"in uğurları üçün çalışır. O, Premyer Liqada 34, ölkə kubokunda 3 oyuna çıxıb. Futbolçu bu matçlarda 5 qol və eyni sayda məhsuldar ötürmə ilə yadda qalıb.

Xatırladaq ki, “Səbail"in ilk yay transferi Yusifin kiçik qardaşı, ”Turan Tovuz"dan gələn yarımmüdafiəçi Fərid Nəbiyev olub.