Baş məşqçi "Bavariya"nın futbolçusunu yumruqla vurdu

"Bavariya" Almaniya Bundesliqasının 13-cü turunun təxirə salınmış matçında doğma meydanda "Union Berlin"i 1:0 hesab ilə məğlub edib. Presssport.az xəbər verir ki, oyun zamanı insident baş verib. 

Belə ki, Berlin təmsilçisinin baş məşqçisi Nenad Byelitsa qarşılaşmanın 75-ci dəqiqəsində rəqib futbolçu Leroy Saneni yumruqla vurub.

Baş hakim xorvatiyalı mütəxəssisi qırmızı vərəqə ilə cəzalandırıb. 

Byelitsa olayla bağlı açıqlamasında topu Saneyə verməyə çalışdığını söyləyib: "Həmin an o, məni itələdi. Bundan sonra isə səhvə yol verdim".