"Səbail"də daha bir yeni müqavilə

2024/25 mövsümü üçün transfer çalışmalarını davam etdirən “Səbail” daha bir futbolçu ilə müqaviləni yeniləyib.

Presssport.az xəbər verir ki, Samir Abdullayevlə 1 illik anlaşma əldə olunub. 

Yarımmüdafiəçi ötən mövsüm “dənizçilər”in heyətində Misli Premyer Liqasında 22, Azərbaycan Kubokunda 4 oyuna çıxıb. Oyunçu bu görüşlərdə 2 qol və 1 məhsuldar ötürmə ilə fərqlənib.

U-21 yığmamızın üzvü olan Samir 2022-ci ildən “Səbail"in formasını geyinir.

Xatırladaq ki, Bayıl təmsilçisi bunadək baş məşqçisi Şahin Diniyev və müdafiəçisi Yusif Nəbiyevlə başa çatan müqavilələri yeniləyib.