AFFA Veteran Tankçılar Gəncə komandasına xəbərdarlıq etdi

Bu gün AFFA-nın İntizam Komitəsinin iclası keçirilib. Presssport.az xəbər verir ki, qurum Region Liqasında baş verən xoşagəlməz olaylara hüquqi qiyçət verib:

21 yanvar 2024-cü il tarixində AFFA Region Liqasında keçirilən “Ərgünəş” (Füzuli) -“Mil” (Beyləqan) oyununda “Ərgünəş” komandasının rəsmisi Atəm Ağayev qarşılaşmanın 35-ci dəqiqəsində hakimi təhqir etdiyinə görə qırmızı vərəqə aldığı üçün 5 oyun cəzalandırılsın (maddə 43.4);

19 yanvar 2024-cü il tarixində AFFA Region Liqasında keçirilən “Araz” (İmişli) – “Ümid” FK (Saatlı) oyununda “Ümid” FK komandasının heyətində 9 nömrəli futbolçu Nurlan İsayev qarşılaşmanın 84-cü dəqiqəsində təhqiredici ifadələr işlətdiyinə görə qırmızı vərəqə aldığı üçün 3 oyun cəzalandırılsın (maddə 43.1);

21 yanvar 2024-cü il tarixində AFFA Region Liqasında keçirilən “Hacıqabul” FK – “Olimpiya” FK (Ağcabədi) oyununda “Hacıqabul” FK komandasının heyətində 1 nömrəli futbolçu Famil Məmiyev qarşılaşmanın 70-ci dəqiqəsində rəqibi aşkar qol vurmaq imkanından məhrum etdiyinə görə qırmızı vərəqə ilə meydandan kənarlaşdırıldığı üçün 1 oyun cəzalandırılsın (maddə 41);

21 yanvar 2024-cü il tarixində AFFA Region Liqasında keçirilən “Hacıqabul” FK – “Olimpiya” FK (Ağcabədi) oyununda “Olimpiya” FK komandasının baş məşqçisi Namiq Quliyev qarşılaşmanın 70-ci dəqiqəsində hakimi təhqir etdiyinə görə qırmızı vərəqə aldığı üçün 5 oyun cəzalandırılsın (maddə 43.4);

21 yanvar 2024-cü il tarixində AFFA Region Liqasında keçirilən “Qobustan” FK – “Ərkivan” FK (Masallı) oyununda “Qobustan” FK komandasının heyətində 18 nömrəli futbolçu Sənan Hüseynzadə qarşılaşmanın 90+3-cü dəqiqəsində qeyri-idman hərəkətinə görə ikinci sarı vərəqə aldığı üçün 1 oyun cəzalandırılsın (maddə 36.5);

17 dekabr 2023-cü il tarixində AFFA Region Liqasında keçirilən Veteran Tankçılar Gəncə-“Bərdə” FK oyununun 90+2-ci dəqiqəsində Veteran Tankçılar Gəncə komandasının heyətində əvəzetmə limiti pozulduğu üçün Veteran Tankçılar Gəncə komandasına xəbərdarlıq edilsin (maddə 11).