Mikels bu tarixdə Azərbaycana qayıdacaq, "1+1 il" şərtli müqaviləyə qol çəkəcək

“Sabah” sabiq legioneri Coy-Lens Mikelsi qaytarır.

Presssport.az-ın əldə etdiyi məlumata görə, 31 yaşlı almaniyalı sol cinah yarımmüdafiəçinin keçidiylə bağlı danışıqlarda bütün detallar artıq razılaşdırılıb.

Belə ki, Mikels köhnə-yeni klubuyla “1+1 il” şərtli müqaviləni imzalayacaq. 

Coy-Lens iyulun 7-də Bakıya gələcək və tibbi müayinədən keçəndən sonra hər şey qaydasında olarsa, anlaşmaya imzalar atılacaq.

Xatırladaq ki, Mikels 2 il çıxış etdiyi, Premyer Liqamızın gümüş medalını qazandığı "Sabah"dan ötən yay Səudiyyə Ərəbistanın I Liqa təmsilçisi “Əl-Faysali”yə keçdi. Onun hələ qış fasiləsində qayıdışı gündəmdə olsa da, ərəblərlə müqaviləsi olduğuna görə bu, baş tutmadı.