"Azərbaycanlı sürücülərin Bakıya hər səfəri Formula 1 yaröşı kimidi" - "Neftçi"nin legioneri

"Neftçi"nin macarıstanıı legioneri Mark Tamaş yeni baş məşqçisi Miodraq Bojoviçlə bağlı təəssüratlarını bölüşüb.

Presssport.az xəbər verir ki, öz ölkəsinin mətbuatına danışan təcrübəli futbolçu həmçinin Azərbaycan Futbol Premyer Liqasındakı vəziyyət və Bakıda təhlükəli sürücülükdən danışıb: "Bojoviç Mutudan 10 yaş böyükdü. O, daha sakit və diqqətli bir məşqçi kimi görünür. Bilmirəm, yaxşıdır ya yox, “Neftçi” nəticə qazanmaq üçün böyük təzyiq altında oynayır. Hətta istənilən heç-heçə çempionatın liderləri üçün uğursuzluq sayılır. Hamı deyir ki, bu necə baş verə bilər? “Qarabağ”dan çox geridəyik, amma qarşıda hələ mövsümün yarısı qalıb. Bazar günü sonuncu yerdə olan “Qəbələ” ilə qarşılaşacağıq. Təbii ki, yalnız qələbəyə ümid edirik. Keçən yay “Neftçi”yə gəldim və tez öyrəşdim, amma oyunumuzdan razı deyiləm. "Qarabağ"dan böyük fərqə baxmayaraq, rəhbərlik bizdən çempionluq uğrunda mübarizə aparmağımızı gözləyir. Bunun üçün bizə demək olar ki, mükəmməl matçlar seriyası lazımdı. Ölkə kubokunda da finala çıxmağı gözləyirik".

Mark Bakıda sürücülərin təhlükəli maşın idarə etdiyini söyləyib: “Azərbaycanlılar yol nişanlarına baxmayaraq, daim siqnal verirlər. Çox vaxt yolun üç zolağında 5-6 maşın yan-yana hərəkət edir. Xırda cızıqlar tez-tez olur və bu halda onlar maşından düşür, baş verənlərə baxır və davam edir. Azərbaycanlı sürücülərin Bakıya hər səfəri Formula 1 yarışı kimidir. Amma buna öyrəşə bildik. Lakin Macarıstana qayıdanda isə yenidən avropalıların maşın idarəetməsinə adaptasiya oluruq”.

Qeyd edək ki, Tamaş "Neftçi"yə yayda keçib və müqavilə müddəti 2025-ci il iyunun 30-na qədərdir.