"Sabah" Türkiyədə çempion oldu

“Sabah” 12 yaşadək futbolçular arasında keçirilən Yiğit Demirel beynəlxalq futbol turnirində iştirak edib.

Presssport.az xəbər verir ki, Türkiyənin Rize şəhərində keçirilən turnirin qrup mərhələsində yerli “Trabzonspor”u 2:1, Estoniya “Nömme United”ini 3:0 və Gürcüstan “Dinamo”sunu (Batumi) 4:0 hesabıyla məğlub edən Masazır təmsilçisi çempionluq uğrunda mübarizə imkanı verən qızıl qrupa (Gold group)vəsiqə qazanıb. 

“Gold group”da Türkiyən “Çaykur Rizespor"u 3:0, Estoniya “Nömme United”ini 2:0 hesabıyla üstələyən “Sabah” yalnız yerli “Samsunspor”a uduzub – 0:2. Məhərrəm Müslümzadənin baş məşqçisi olduğu komanda yekun sıralamada bütün rəqiblərini üstələyərək, turniri 1-ci pillədə -  çempion kimi başa vurub.

Onu da bildirək ki, “Sabah”ın futbolçuları – Yusif Ağayev, Rəvan Rüstəmov və Ayxan Əliyev turnirin ən yaxşı oyunçusu seçiliblər.  

Rize Cup

Yigit Demirel Beynəlxalq Futbol Turniri

Qrup mərhələsi

Sabah – Trabzonspor (Türkiyə) 2:1

Qollar: Rəvan Rüstəmov, Hüseyn Musayev. 

Sabah – Nömme United (Estoniya) 3:0

Qollar: Yusif Ağayev (2), Hüseyn Musayev. 

Sabah – Dinamo (Batumi, Gürcüstan) 4:0

Qollar: Eldar Hüseynov, Hüseyn Musayev, Hüseyn Abdullazadə, Yusif İbrahimli. 

Gold group

Çaykur Rizespor (Türkiyə) – Sabah 0:3

Qollar: Rəvan Rüstəmov, Camal Əkbərli, Eldar Hüseynov. 

Sabah – Nömme United (Estoniya) 2:0

Qollar: Yusif Ağayev, Hüseyn Musayev. 

Samsunspor (Türkiyə) – Sabah 2:0