"Qarabağ"ın Avstriyada rəqibləri bəlli oldu: tanış komanda və Almaniya təmsilçisi

“Qarabağ”ın Avstriyadakı təlim-məşq toplanışı zamanı qarşılaşacağı 2 rəqib bəlli olub.

Presssport.az xəbər verir ki, Ağdam təmsilçisi vaxtilə Çempionlar Liqasında 2 dəfə görüşdüyü Plzen “Viktoriya”sıyla qarşılaşacaq. Bu matç iyulun 9-da baş tutacaq. 

Ağdam təmsilçisi həmin gün daha bir oyun keçirəcək. Belə ki, Qurban Qurbanovun komandası Almaniya II Bundesliqa təmsilçisi “Kayzerslautern”lə də qüvvəsini sınayacaq.

Xatırladaq ki, "Qarabağ" iyunun 18-də paytaxtdakı hazırlıqlarına start verib. Toplanışın 2-ci mərhələsi iyulun 5-dən 17-nə qədər Avstriyada baş tutacaq.