Türkiyə millisinin 2 futbolçusu 1/4 final matçını buraxacaq

Türkiyə millisi AVRO-2024-ün 1/4 finalında Niderland yığmasıyla keçiriləcək oyuna itkilərlə çıxacaq.

Presssport.az xəbər verir ki, yarımmüdafiəçilər Orkun Kökcü və İsmayıl Yüksek cəzalı duruma düşüb.

Hər iki oyunçu ötən gecə 1/8 finalda Avstriya millisiylə görüşdə sarı vərəqə alıb. Bu, onların turnirdəki 2-ci sarı vərəqəsi olduğundan hər iki futbolçu qarşıdakı matçı buraxmalı olacaq.

Xatırladaq ki, iyulun 6-da keçiriləcək Niderland - Türkiyə matçı Bakı vaxtı ilə saat 23:00-da başlayacaq.