"Neftçi"də debütündə qol hesabını açan: "Ümid edirəm ki, bu, digər qollarımın başlanğıcı olar”

“Neftçi”nin Premyer Liqanın XX turunda “Qəbələ”ni məğlub etdiyi matç (3:1) yeni transferi Brayan Moreno üçün uğurlu alınıb. Presssport.az xəbər verir ki, “ağ-qaralar”a Antalyadan qoşulan Brayan Moreno bu görüşdə həm debüt edib, həm də komandasının sonuncu qoluna imza atıb.

25 yaşlı kolumbiyalı hücumçu klubun televiziyasına açıqlamasında debütü haqda təəssüratlarını bölüşüb: “Bilirdik ki, çətin oyun olacaq. Buna baxmayaraq, qələbə qazanmalı idik ki, turnir cədvəlində yerimizi yaxşılaşdıraq. Debüt oyunumda qol vurduğum üçün çox sevinirəm. Ümid edirəm ki, bu, digər qollarımın başlanğıcı olar”.