Bojoviçin Mutuyla ilk qələbələrində eynilik - "Neftçi" "Qraf"la ilk dəfə nəyə nail oldu?

Miodraq Bojoviç “Neftçi”nin baş məşqçisi qələbə hesabını açıb. Presssport.az -ın araşdırmasına görə, bu mövsümdə “ağ-qaralar”ın çalışdırıcıları olmuş gəlmələrin hər ikisi eyni rəqiblə eyni stadionda qələbəylə aktivlərinə ilk xalı yazdırıb. Üstəlik, top fərqi də eyni olub - 2.

Belə ki, Bojoviçin rumıniyalı sələfi Adrian Mutu da “Qəbələ”ni “Neftçi Arena”da məğlub etməklə ilk qələbəsini qazanmışdı - 2:0. Sadəcə, bunun üçün 45 yaşlı adıçəkilən mütəxəssis 4-cü oyun lazım gəlmişdi. 56 yaşlı Bojoviç isə “Neftçi”də 2-ci oyununda, ilk ev matçında qələbə hesabını 3:1-lə açdı. Bu yerdə bildirək ki, "Qraf" ləqəbli təcrübəli mütəxəssisin rəsmi debütü "Sabah"la səfər görüşündə qolsuz bərabərliklə nəticələnmişdi. 

Məlumdu ki, Bojoviç “Neftçi”nin tarixində 7-ci əcnəbi baş məşqçidi. Əvvəlki çalışdırıclardan ən inamlı, yeganə böyükhesablı qələbəni “ağ-qaralar”ın ən uğursuz məşqçilərdən biri olan almaniyalı Hans-Yurgen Gedenin qazanması diqqət çəkir. 

Onu da bildirək ki, “Bakı”dakı həmyerlisi Bojidar Bandoviçdən sonra ölkəmizdə çalışan 2-ci monteneqrolu baş məşqçi olan Bojoviç "Neftçi"ni bu çempionatda ilk dəfə turnir cədvəlində 2-ci pilləyə yüksəldib. Amma bir reallıq da var ki, bu yerin sahibi ilk pillədə gedən "Qarabağ"dan ən az, nə çox - düz 17 xal geri qalır. 

“Neftçi”nin əcnəbi baş məşqçilərinin ilk qələbələri

Vlastimil Petrjela (Çexiya)

2007/08 mövsümü, V tur

16.09.2017

“Neftçi” - “Standard” (Sumqayıt") - 3:1

Anatoli Demyanenko (Ukrayna)

2007/08 mövsümü

17.02.2018

“Turan” (Tovuz) - “Neftçi” - 0:1

Hans-Yurgen Gede (Almaniya)

2008/09 mövsümü

05.10.2018

MOİK- “Neftçi” - 0:5

Roberto Bordin (İtaliya)

2018/19 mövsümü

11.08.2018

“Sumqayıt” - “Neftçi” - 0:2

Laurentsiu Regekampf (Rumıniya)

2022/23 mövsümü

07.08.2022

“Şamaxı” - “Neftçi” - 0:1

Adrian Mutu (Rumıniya)

2023/24 mövsümü

27.08.2023

“Neftçi” - “Qəbələ” - 2:0

Miodraq Bojoviç (Monteneqro)

2023/24 mövsümü

28.01.2023

“Neftçi” - “Qəbələ” - 3:1