"Qırğın" başlayır - Murad Musayev "Sabah"ı yarımfinala çıxarsa, tarixə düşəcək

Bu gün Azərbaycan kubokunda ¼ final mərhələsi başlayır. Presssport.az xəbər verir ki, bu turnirdə əsas mərhələ məhz indi başlayır.

Bu da ilk növbədə iştirakçıların hamısının Premyer Liqa təmsilçiləri olmasıyla bağlıdı. Mübarizədən kənarda qalan yüksək liqa klubları Qərb təmsilçiləri - “Turan Tovuz”la “Kəpəz”di. 

Kubokda qalan iştirakçılardan yalnız 3-ü bu turnirin qalibi olub. Onlardan “Qarabağ” 7 dəfə Azərbaycan Kubokunu ən çox qazanmaqla rekordçudu. “Neftçi” bu say 6-dı və prinsipial rəqibinin ən yaxın izləyicisidi. “Qəbələ”də isə kubok sayı 2-di. 

Qalan 5 iştirakçıdan yalnız "Zirə" final həyəcanını yaşayıb. “Səbail”, “Sumqayıt” yarımfinala irəliləyibsə, “Sabah”la "Araz-Naxçıvan" ən yaxşı halda ¼ finalda çıxış edib. Murad Musayev baş məşqçisi olduğu komandanı yarımfinala çıxarsa, klubun tarixində növbəti ilkə imza atacaq. Amma bunun üçün “Qarabağ” kimi səddi aşmaq lazımdı.

Ümumiyyətlə, bu komandaların olduğu “setka”da finala ən gərgin mübarizə gözlənilir. Çünki bu cütün qalibini “Sumqayıt” - “Neftçi” duelinin güclüsü ilə görüş gözləyir. Göründüyü kimi, "Qarabağ" - "Neftçi" bu mövsüm də olmayacaq və ən yaxşı halda yarımfinalda bu dueli izləyə bilərik. Bu, baş tutarsa, erkən final sayılacaq.

Finala gedən digər yolda təxminən bərabərsəviyyəli komandaların qarşıdurması olacaq. Burda "Zirə" nisbətən güclü sayıla bilərsə, “Qəbələ” hazırda Premyer Liqada son pillədə getsə də, Kubokun son qalibi olduğunu unutmayaq.

Onu da bildirək kİ, bu mövsümdən başlayaraq Azərbaycan Kubokunun qalibi Konfrans Liqasına yox, artıq Avropa Liqasına vəsiqə qazanacaq. 

30 yanvar (çərşənbə axşamı)

“Səbail” – “Zirə”
Hakimlər: İnqilab Məmmədov, Rahil Ramazanov, Rəhman İmami, Kamran Əliyev
Hakim-inspektor: Rövşən Əhmədov
AFFA nümayəndəsi: Nəriman Axundov
“ASCO Arena”, 15:00

“Sabah” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Nicat İsmayıllı
Hakim-inspektor: Asim Xudiyev
AFFA nümayəndəsi: Seymur Səlimli
“Bank Respublika Arena”, 19:00

31 yanvar (çərşənbə)

“Araz-Naxçıvan” – “Qəbələ”
Hakimlər: Rauf Allahverdiyev, Vüsal Məmmədov, Cəmil Quliyev, Səbuhi Bayramov
Hakim-inspektor: Zöhrab Qədiyev
AFFA nümayəndəsi: Zaur Hacı-Məhərrəmov
“Dalğa Arena”, 16:00

“Sumqayıt” – “Neftçi”
Hakimlər: Rəşad Əhmədov, Kamran Bayramov, Şirmamed Mamedov, Əli Əliyev
Hakim-inspektor: Gülağa Cabarov
AFFA nümayəndəsi: Eldəniz Musayev
“Kapital Bank Arena”, 19:00