"Zirə" - "Osiyek" matçının biletləri bu gündən satışda

Konfrans Liqasının III təsnifat mərhələsində keçiriləcək “Zirə” - “Osiyek” (Xorvatiya) oyununun biletləri bu gün – 12 avqust saat 12:00-dan satışa çıxarılacaq. 

Presssport.az klubun mətbuat xidmətinə istinadən xəbər verir ki, biletlərin qiyməti sektorlara əsasən müvafiq olaraq 2, 5, 10, və 20 manat təşkil edir.

Biletləri “Zirə İdman Kompleksi”, “Dalğa Arena” və Tofiq Bəhramov adına Respublika stadionunun kassalarından almaq olar.

Xatırladaq ki, avqustun 15-i keçiriləcək "Zirə" - "Osiyek" görüşü saat 20:30-da başlayacaq.