"Qarabağ"la "Zirə"nin bu həftəki matçlarında 1 dəqiqəlik sükut olacaq

Bu həftə UEFA bayrağı altında keçiriləcək bütün oyunlar sükutla başlayacaq.

Presssport.az xəbər verir ki, bu barədə Avropa futbol qurumunun mətbuat xidməti məlumat yayıb.

Belə ki, tanınmış isveçli məşqçi Sven-Yoran Erikssonun vəfatı ilə əlaqədar matçlarda 1 dəqiqəlik sükut olacaq.

Xatırladaq ki, bu həftə Azərbaycan təmsilçiləri “Qarabağ” və “Zirə” də avrokubokların pley-off mərhələsində Bakıda cavab oyunlarına çıxacaq. Ağdam klubu avqustun 28-də Çempionlar Liqasının pley-off mərhələsində Zaqreb “Dinamo”sunu qəbul edəcək.

Bir gün sonra isə “Zirə” Kiprin “Omoniya” klubunu qonaq edəcək.