"Sampdoriya" Pirlonu təyinatından 2 ay sonra qovdu

"Sampdoriya" baş məşqçisi Andrea Pirlonu istefaya göndərib.

Presssport.az xəbər verir ki, 45 yaşlı italiyalı mütəxəssis B Seriyasının III turunda "Salernitana"ya səfər məğlubiyyətdən (2:3) sonra vəzifəsindən göndərilib.

Pirlo 2 ay əvvəl "Sampdoria"nın baş məşqçisi təyin olunaraq, onunla 2 illik müqavilə imzalanmışdı. Genuya təmsilçisi 3 turdan sonra cəmi 1 xal toplayaraq 20 komanda arasında 18-ci pillədə qərarlaşıb.

Xatırladaq ki, keçən mövsüm A Seriyasına yüksəlmək üçün mübarizə aparan “Sampdoriya” çempionatı 55 xalla 7-ci pillədə başa vurmuşdu.