Berdıyev Ehtiram Quliyevdən daha 2 transfer istədi - klub prezidenti tapşırıq verdi, axtarışlar gedir

"Turan Tovuz"un mövsümə yaxşı başlaması futbol ictimaiyyəti üçün də sürpriz olub. Kurban Berdıyevin gəlişiylə dəyişiklik gözlənirdi. Amma ilk 5 tura 13 xal hətta nikbin proqnozların belə üzərində olan nəticədir. 

Bütün bunlara rəğmən, Berdıyev klub prezidentinə güclənməyin vacib olduğunu deyib. Təcrübəli mütəxəssis mövsümün çətin dönəmlərinin qabaqda olduğunu, uzun marafon üçün heyətin kasadlığını qeyd edib. 

Presssport.az Sportal.az-a istinadən xəbər verir ki, Kurban Berdıyev Ehtiram Quliyevdən iki transfer istəyib. Onlardan biri oyun qurucusu, o birisi isə hücumçu mövqeyinədir. Ehtiram bəy məşqçinin istəyinə müsbət yanaşıb və bu istiqamətdə iş aparılmasına tapşırıq verib. 

Axtarışlar gedir. Klubun skautları transfer pəncərəsi bağlanana qədər 2 futbolçunun keçidini həll etməyə çalışırlar.