Parisdə medal qazanan paralimpiyaçı: "Azərbaycanı layiqincə təmsil etmək üçün əlimdən gələni edəcəm"

“Çalışacam Azərbaycanı layiqincə təmsil edim. Bunun üçün əlimdən gələni edəcəm”.

Presssport.az xəbər verir ki, bunu Fransada keçirilən Paris-2024 Yay Paralimpiya Oyunlarında gümüş medal qazanan Azərbaycan paraüzgüçüsü Raman Saley deyib.

30 yaşlı idmançı paralimpiada tarixində 5-ci dəfə fəxri kürsüdə yer aldığını xatırladaraq, Paris-2024-də daha 3 dəfə mübarizə aparacağını sözlərinə əlavə edib.

Belə ki, Saley hazırkı turnirdə daha 3 kateqoriyada çıxış edəcək. Təmsilçimiz sentyabrın 2-də S13 kateqoriyasında 50 m sərbəst, sentyabrın 4-də 100 m sərbəst, sentyabrın 7-də isə 100 m batterflyay üsullarında çıxış edəcək.