Xəlilov Parisdəki Paralimpiya çempionluğunu şəhid ailələrinə həsr edib: "Bilirdim ki, qızıl medalçı olacam"

Fransanın paytaxtı Paris şəhərində təşkil edilən Yay Paralimpiya Oyunlarında qızıl medal qazanan parataekvondoçu İmaməddin Xəlilov qalibiyyətini şəhid ailələrinə həsr edib.

Presssport.az xəbər verir ki, idmançı bu barədə Heydər Əliyev Beynəlxalq Aeroportunda jurnalistlərə açıqlama verərək, ilk sevincini ailəsi ilə bölüşdüyünü vurğulayıb: “Onlar hədsiz sevincli idi. Hər döyüşdən sonra sosial şəbəkələrdə yazılan şərhlərdə Azərbaycan xalqının dəstəyini hiss edirdim. Bu da öz növbəsində məndə əlavə motivasiya yaradırdı. Finalda isə heç bir tərəddüd olmadı, çünki özümə çox güvənirdim. Bilirdim ki, çempion olacam”.