"Neftçi" ilə Azərbaycan üçün tarixi matç

Bu gün “Neftçi”nin qadınlardan ibarət komandası Çempionlar Liqasında(ÇL) tarixi oyun keçirəcək.

Presssport.az xəbər verir ki, Siyasət Əsgərovun komandası Gürcüstanda Avstriyanın “Sankt-Polten” klubu ilə qarşılaşacaq. Görüş Bakı vaxtı ilə saat 18:00-da başlayacaq.

"Neftçi" üçün bu, ÇL-də, eləcə də ümumilikdə Azərbaycan üçün qadınlardan ibarət komandalar arasında Avropa yarışlarında debütü olacaq.

Bu cütün qalibi növbəti mərhələdə “Vlajniya” (Albaniya) – “Lançxuti” (Gürcüstan) cütünün qalibi ilə qarşılaşacaq.

Matçlar sentyabrın 4-7-i aralığında keçiriləcək və qaliblər turnirin əsas mərhələsinə yeddi vəsiqənin oynanılacağı 2-ci tura yüksələcək.