"Qarabağ"ın rəqibi Fransa millisinin üzvünü 4 milyon avroya transfer etdi

“Marsel”in futbolçusu Jordan Veretu "Lion"la anlaşıb.

Presssport.az xəbər verir ki, 31 yaşlı fransalı yarımmüdafiəçimin keçidina görə 4 milyon avro ödənilib.

Veretu 2026-cı il iyunun 30-na qədər “Lion”a məxsus olacaq. 

"Nant"ın yetirməsi olan Jordan həmçinin “Aston Villa”, “Sent-Etyen”, “Fiorentina” və “Roma”da da çıxış edib.O, 2022-ci ilin yayında 12,45 milyon avroya “Marsel”ə keçib. Bu klubun heyətində 94 görüşdə 10 qol vurub və 10 məhsuldar ötürmə edib. Veretu Fransa millisində 5 oyun keçirib.

Xatırladaq ki, “Lion” Avropa Liqasında “Qarabağ”ın rəqiblərindən biridi və noyabrın 28-də Bakıda qonağı olacaq.