"Rubin"in sabiq futbolçusu rəsmən "Qəbələ"də

Yeni mövsümün hazırlığını davam etdirən “Qəbələ” heyətini "Rubin"də oynamış futbolçu ilə gücləndirib.

Presssport.az klubun mətbuat xidmətinə istinadən xəbər verir ki, I Liqada çıxış edəcək “qırmızı-qaralar” Kazan təmsilçisinin sabiq müdafiəçisi Samir Həsənovun keçidini gerçəkləşdirib.

21 yaşlı futbolçuyla "1+1" illik müqavilə imzalanıb. 

Onu da bildirək ki, Həsənov Rusiya klubundan sonra Vətənə dönərək son olaraq “Neftçi-2”nin formasını geyinib və keçən mövsüm onun heyətində Azərbaycan çempionu olub.