Milli komandamız Koşitsedə dəstəksiz qalmayacaq

Millimiz Slovakiya yığmasıyla səfərdə baş tutacaq UEFA Millətlər Liqasının oyununda dəstəksiz qalmayacaq.

Bu barədə Presssport.az-ın bu ölkəyə ezam olunmuş əməkdaşına AFFA-nın mətbuat xidmətinin rəhbəri Elnur Məmmədli məlumat verib.

Belə ki, Koşitsedə reallaşacaq matçda təxminən 40-50 azərbaycanlı azarkeş olacaq. Azərbaycanın Slovakiyadakı səfiri Vüsal Abdullayevin də millini stadiondan dəstəkləyəcəyi gözlənilir.

Xatırladaq ki, sentyabrın 8-də Koşitse şəhərindəki “Koşitse Futbol Arenası”nda keçiriləcək Slovakiya - Azərbaycan matçının start fiti Bakı vaxtı ilə saat 20:00-da səsləndiriləcək.